Lingua

16-02-2012

O comercio de Pontevedra vai probar en galego

Proba en galego é unha campaña da Concellaría de Normalización Lingüística do Concello de Pontevedra, desenvolvida desde o seu Servizo de Normalización Lingüística (SNL), para promover o uso do galego no ámbito do comercio e da pequena empresa. Con esta campaña, o Concello de Pontevedra dálle continuidade ao labor que desenvolve para normalizar o uso do galego no sector económico con actuacións específicas que se veñen realizando desde o ano 2006.

As primeiras actividades programadas no marco desta campaña son:

XOVES 16 DE FEBREIRO
A situación actual do galego no comercio
Valentina Formoso

MARTES 28 DE FEBREIRO
Obradoiro: Por que non en galego? Percepción da utilidade lingüística no comercio
Reverso Servizos Lingüísticos

MARTES 13 DE MARZO
Obradoiro: Estratexias e boas medidas para tratar situacións complexas
Reverso Servizos Lingüísticos

MARTES 27 DE MARZO
Experiencia práctica de uso do galego
Xosé Lois Vilar. Froitas Vilar

MARTES 10 DE ABRIL
Experiencia práctica de uso do galego
Roberto Rivas. Adega Moraima

MARTES 24 DE ABRIL
Presentación de Aberto ao Galego
A Mesa pola Normalización Lingüística

Info en .pdf>
Todas estas sesións terán lugar ás 21.00 h no Colexio de Xestores/as Administrativos de Pontevedra. Rúa de Blanco Porto 9, 1.º

Os obxectivos de Proba en galego son:
-Dinamizar o uso do galego como lingua normal de comunicación no comercio e na pequena empresa
-Implicar as persoas que traballan no sector do comercio e da pequena empresa na mellora do uso do galego coa clientela e coas empresas provedoras
-Ofrecer espazos de reflexión e traballo para mellorar a calidade da lingua e a seguridade no seu uso no sector
-Estimular a clientela falante de galego para que manteña a súa lingua nas relacións comerciais
-Animar a clientela que non fala galego habitualmente a que probe a facelo
-Facer visible o uso da lingua galega nas relacións comerciais qeu se establecen na cidade
-Darlles continuidade ás campañas específicas para incrementar o uso do galego no comercio local e na pequena empresa que a Concellaría de Normalización Lingüística vén desenvolvendo desde o ano 2006