A campaña contará con carteis divulgativos que se estenderán principalmente polos espazos relacionados co ámbito da xustiza: xulgados, facultades de dereito, colexios de avogados etc. Ao mesmo tempo, na páxina web do colexio de avogados ofrecerase un apartado onde as persoas interesadas poderán deixar o seu “motivo” polo que incrementar o uso do galego no ámbito da xustiza.
Xustamente en galego, campaña do Colexio de Avogados de Santiago de Compostela
O Servizo de Asesoramento Lingüístico do Colexio de Avogados de Santiago de Compostela presenta unha nova campaña de promoción do uso do galego entre a avogacía. "Xustamente, en galego" é o seu título, co que se pretende reflexionar acerca dos usos lingüísticos que acotío se veñen desenvolvendo nas relacións entre a cidadanía e a Administración de xustiza.
