XIII Xornadas de expresión oral Tíralle da lingua. 16 e 17 de novembro en Compostela

PROGRAMA



VENRES 16 DE NOVEMBRO

16.30 h – 17.00 h Recepción e entrega de material

De 17.00 a 18.30: PARA QUE SERVEN AS IMAXES?, Eva Mejuto, OQO Editora

De 18.30 h a 20.00 h: O berro de Lord Byron (poesía e sonoridade) Carlos Negro Romero, docente no C.P.I. Eusebio Lorenzo Baleirón e escritor.



SÁBADO 17 DE NOVEMBRO



De 10.00 h a 11.45 h: EN GALEGO, TODO VAI RODADO, Anxo Gómez Sánchez, docente no CPI Vicente Otero Valcárcel de Carral



De 12.00 h a 14.00 h: Expresión audiovisual dos nativos dixitais, Manuel González Álvarez, profesor no IES Concepción Arenal de Ferrol, guionista e investigador cinematográfico.



De 16.00 h a 17.30 h: Os proxectos Ponte na fala e Canto Conto,XoséAntonio Formoso Lado, filólogo, integrante do proxecto Fabaloba



De 17.30 h a 19.00 h: Canto conto! Raúl Piñeiro Fernández, filólogo, animador sociocultural e dinamizador.

Como peche da sesión Raúl Piñeiro presentará o seu último traballo de narración oral: Os graxos da Burga.



19.00 h: Clausura





Solicitada a homologación por 10 h lectivas.

A matrícula é gratuíta, realizarase a través da web da as-pg na web: www.as-pg.com, no apartado de Formación.

O número de prazas é limitado e cubrirase por rigorosa orde de inscrición tendo en conta que hai unha reserva máxima dun 30% para aquelas persoa que nunca traballasen como docentes para a Consellaría de Educación.



XIII CONCURSO DE RELATO ORAL: TÍRALLE DA LINGUA

Bases do concurso

1ª As historias poderán ser de base popular, de base literaria ou creación propia.

2ª As historias contaranse en galego.

3ª Nas historias valorarase a calidade lingüística e o seu carácter construtivo e pedagóxico (linguaxe non discriminatoria, linguaxe non sexista…)

4ª Os/as participantes concursarán individualmente ou en grupo, pero sempre respectando o tempo máximo por actuación que será de 5 minutos. A superación dese tempo pode supor a descualificación. Poderán participar cun máximo dunha historia.

5ª O concurso vai destinado a tres niveis académicos.

1) Primaria.

2) 1º Ciclo de ESO.

3) 2º Ciclo de ESO e ensino postobrigatorio.

6ª O concurso farase en dúas fases con carácter selectivo:

1) A nivel centro de ensino.

2) A nivel nacional.

7ª Na primeira fase será o propio centro o que determine e s e responsabilice dos posíbeis premios aos concursantes. O número de concursantes que pasarán da primeira á segunda fase determinarase en función da participación, o que se comunicará aos centros.

8ª A formalización da inscrición no concurso por parte dos centros realizarase antes do día 5 de abril enviando un e-mail a: informacion@as-pg.com, recibirán confirmación da inscrición e dos datos que deben completar.

9ª A fase final celebrarase a primeiros de maio en Santiago, en dous grupos diferentes: un para primaria e primeiro ciclo de secundaria e outro para segundo ciclo de secundaria e ensino postobrigatorio.

10ª Na fase final concederase un primeiro premio por nivel cun valor de 250 euros e un segundo, se o xurado así o estima por valor de 150 euros. Os centros de ensino dos participantes gañadores recibirán un premio do mesmo importe.

11ª O xurado estará composto por tres persoas alleas aos centros participantes con experiencia nestas actividades, actuando de secretario/a un representante de Asociación Socio-Pedagóxica Galega.

12ª O xurado emitirá o ditame o mesmo día da celebración do concurso.

13ª A participación no concurso supón a aceitación íntegra das presentes bases.