A XII Xornada Científica Realiter dedicarase nesta ocasión ao tema “Terminoloxía e Normalización”. Normalización entendida nos dous sentidos que esta palabra posúe en varias linguas románicas: por un lado, a extensión do uso da lingua naqueles contextos en que se considere preciso e, polo outro, a estandarización do corpus das linguas de especialidade.
Para esta XII Xornada Científica, a Rede Panlatina de Terminoloxía (Realiter) fai unha chamada á presentación de traballos relacionados cos temas seguintes:
– O lugar da terminoloxía nas diversas políticas lingüísticas
– A contribución da terminoloxía ao sostemento da diversidade lingüística
– A implantación da terminoloxía: políticas, experiencias, resultados
– Terminoloxía e estandarización
– A estandarización e a variación terminolóxica
– Procedementos de estandarización
Os resumos dos relatorios (non máis de 400 palabras) deben enviarse en formato .pdf ou .doc ao enderezo realiter@unicatt.it antes do 1 de abril de 2016.
Máis información no web de Realiter.
XII Xornada Científica Realiter: Terminoloxía e Normalización, en Santiago de Compostela o 9 e o 10 de xuño de 2016
A Rede Panlatina de Terminoloxía vai desenvolver a XII edición da súa Xornada Científica en Santiago de Compostela os días 9 e 10 de xuño de 2016, dedicada a “Terminoloxía e Normalización”.
