07-06-2011Seminarios de dinamización lingüística para técnicos/as da Rede
A Secretaría Xeral de Política Lingüística organiza dous seminarios de dinamización lingüística para o persoal técnico da súa Rede, un dirixido ás persoas que se están a iniciar neste ámbito e outro para toda a representación técnica da Rede de Dinamización Lingüística
A Secretaría Xeral de Política Lingüística está a organizar as dúas primeiras accións formativas dirixidas á Área Técnica da Rede de Dinamización Lingüística, que se desenvolverán os días 10 de xuño e 30 de xuño e 1 de xullo, respectivamente, en horario de mañá (de 10.00 a 14.00 h), en Santiago de Compostela (salón pequeno 2 do edificio administrativo de San Caetano).
Estes seminarios están pensados como formación específica en dinamización lingüística para a representación técnica (titular e suplente) das entidades que solicitaron a súa adhesión á Rede de Dinamización Lingüística.
O
Seminario de iniciación á dinamización da lingua galega desde as entidades locais terá lugar o venres 10 de xuño, e participará a representación técnica das entidades adheridas que se está a iniciar no ámbito da dinamización lingüística.
Entre os días 30 de xuño (xoves) e 1 de xullo (venres) desenvolverase o
I Seminario de formación permanante da Rede de Dinamización Lingüística, para o que xa será convocada toda a representación técnica da Rede.
ACTUALIZACIÓN: Informan desde a SXPL que este I Seminario de formación permanente queda adiado para despois do veránMáis información e programas completos dos seminarios >