CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Convocatorias


8085 votos
Votar | | | |


06-09-2010

Resolución da convocatoria de subvencións a entidades locais para a promoción do galego

Mapa de Galiza
A SXPL fixo pública a resolución das subvencións ás entidades locais para a promoción do uso da lingua galega, segundo a cal colaborará co mantemento de 50 servizos de normalización ligüística (SNL) xa existentes, coa creación de 17 novos e con accións de dinamización lingüística en 20 concellos que non teñen SNL


A Secretaría Xeral de Política Lingüística (SXPL) fixo pública o 6 de setembro a resolución da convocatoria de subvencións ás entidades locais de Galicia para a promoción do uso da lingua galega publicada no DOG do 22 de abril de 2010.

MANTEMENTO DE 50 SNL XA EXISTENTES, 37 DELES NA CORUÑA

Segundo a resolución feita pública pola SXPL, mediante esta orde de subvencións a Xunta colaborará co mantemento de 50 servizos de normalización existentes en entidades locais do país, 37 dos cales están na provincia da Coruña e que se financian na súa maior parte coa colaboración da Deputación da Coruña, que lle achega 12.000 euros anuais aos concellos que contan cun SNL a tempo completo, para o que a Deputación lle dedica un orzamento anual de arredor dos 500.000 €.

Dos outros 13 SNL existentes e que reciben subvención da SXPL, 9 están na provincia de Pontevedra, só 2 na de Lugo e só 2 na de Ourense.

Estes 50 concellos recibirán para o mantemento dos seus SNL cantidades que van desde os 4.296,42 € de Cee aos 11.634,60 € de Pontevedra, sumando unha contía total de 411.416,22 €.

CREACIÓN DE 17 NOVOS SNL, CATRO DELES COMPARTIDOS

En total, a SXPL subvenciona a creación de 13 servizos de normalización lingüística en municipios de máis de 3.000 habitantes e a creación de catro SNL compartidos por varios concellos (Boimorto + Sobrado dos Monxes; Castrelo de Miño + A Bola; Mancomunidade de Municipios da Mariña Lucense, da que forman parte 17 concellos; e Carballedo + Cea).

Os concellos que, segundo esta resolución, crearán un novo SNL son: A Pastoriza, Barbadás, Cambados, Cartelle, Chantada, Guitiriz, Monterroso, Porto do Son, Quiroga, Sarria, Tomiño, Tui e Valga.

Para a creación de novos SNL dedícanselle 135.057,13 €, con cantidades que oscilan entre os 5.678,70 € que recibirá Tui e os 10.089,72 € que recibirá a Mancomunidade da Mariña e mais o agrupamento de concellos de Boimorto e Sobrado.

COLABORACIÓN CON ACCIÓNS DE 20 CONCELLOS SEN SNL

A SXPL subvencionará tamén o desenvolvemento de programas de dinamización lingüística realizados en concellos que non contan con persoal técnico para a súa planificación, xestión, execución nin avaliación. Así, 20 concellos que non teñen servizo de normalización lingüística recibirán 56.194,65 €, con contías que van desde os 665,85 € que recibirá A Fonsagrada aos 3.910,20 € que recibirán Ribadavia, Celanova ou Marín.

FORTE REDUCIÓN ORZAMENTARIA DE CASE O 25% CON RESPECTO A ANTERIORES CONVOCATORIAS

Como desde a CTNL xa se denunciou no seu día, a contía que a SXPL lle dedica a esta convocatoria é de 602.668 €, o que supón unha redución orzamentaria de case o 25% con respecto á última convocatoria de subvencións para a normalización lingüística na administración local, publicada en xuño de 2008, e que estaba dotada cunha contía de 800.000 euros.

Desde a CTNL crese que esta grave redución orzamentaria dificultará a consecución dos obxectivos normalizadores desde a administración local, polo que ao remate do ano fará unha avaliación deste situación.


Resolución completa en .pdf >

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022

Avisos

    mes anterior
    Agosto de 2022
    mes seguinte
    Calendario da axenda de Artezanía de Galicia
    L M M X V S D
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31     
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • Gústame... o galego
    • En defensa do traballo xusto e ilusionante dos SNL
    • Axenda da lingua
    • Envianos
    • Canles de novas da CTNL
    • Facebook da CTNL
    • Twitter da CTNL
    • Kit para a normalización en rede
    • Queremos Galego
    • Eu.gal: Por un dominio galego