CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Formación


1503 votos
Votar | | | |


26-10-2007

I Encontro de política lingüística desde as administracións locais da Coruña

28 de novembro de 2007
Pazo de Mariñán

Organiza:
Deputación da Coruña

Unidade Técnica de Normalización Lingüística

Colabora e xestiona:

Coordinadora de Traballadores/as de Normalización da Lingua (CTNL)

PRESENTACIÓN DO ENCONTRO [En .pdf, aquí]

A normalización lingüística é un proceso social de cambio que, para que sexa real, debe ser protagonizado pola propia sociedade, mais as administracións públicas teñen a obriga e responsabilidade de promover e apoiar ese proceso. Para iso, as administracións deben implementar políticas lingüísticas activas, dinámicas e integradoras para así implicar no proceso normalizador ás distintas entidades, sectores e colectivos sociais. E para que estas políticas lingüísticas sexan máis eficaces, deben desenvolverse de xeito planificado e coordinado.

Con este I Encontro de política lingüística desde as administracións locais da Coruña procúrase pór en contacto os/as distintos/as responsábeis políticos/as e técnicos/as das administracións locais para compartir experiencias e analizar posibilidades de accións en materia de normalización lingüística; debater e analizar a responsabilidade, as necesidades e as posibilidades das administracións locais na normalización social do uso do galego; dar a coñecer entre os/as distintos/as responsábeis políticos/as e técnicos/as propostas de acción e coordinación para a promoción social do uso da lingua galega desde a administración local; e deseñar conxuntamente liñas xerais de colaboración e pautas de coordinación e creación de rede entre as distintas administracións.

Para isto, debaterase sobre a responsabilidade das administracións locais en normalización lingüística; analizarase a necesidade de aprobación de regulamentos/ordenanzas de uso do galego e de impulso para a normalización lingüística e veranse distintos contidos e modelos; presentaranse liñas de axuda para a creación de servizos de normalización lingüística (SNL) municipais e falarase sobre a súa creación, funcións, estatus, etc.; e tamén se presentarán modelos e accións concretas para a normalización desde as entidades locais e a coordinación entre as administracións.

Trátase, polo tanto, dunha primeira toma de contacto cos/coas responsábeis municipais (alcaldes/alcaldesas e responsábeis de normalización lingüística) desde a Deputación da Coruña para principiar unha dinámica de sensibilización conducente a propiciar a coordinación e a creación de rede entre concellos para a normalización lingüística.

OBXECTIVOS DO ENCONTRO

Pór en contacto os/as distintos/as responsábeis políticos/as e técnicos/as das administracións locais da Coruña para compartir experiencias e analizar posibilidades de accións en materia de normalización lingüística

Debater e analizar a responsabilidade, as necesidades e as posibilidades das administracións locais na normalización social do uso do galego

Dar a coñecer entre os/as distintos/as responsábeis políticos/as propostas de acción e coordinación para a promoción social do uso da lingua galega desde a administración local

Deseñar conxuntamente liñas xerais de colaboración e pautas de coordinación e creación de rede entre as distintas administracións

TEMAS QUE SE TRATARÁN

Responsabilidade das administracións locais en normalización lingüística

Necesidade de aprobación, contidos e modelos de regulamentos/ordenanzas de uso do galego e de impulso para a normalización lingüística na administración local

Creación/impulso, financiamento, funcións e estatus de servizos de normalización lingüística (SNL) municipais

Propostas de accións concretas para a normalización desde as entidades locais e coordinación entre administracións

PARTICIPACIÓN

Mediante convite a: alcaldes e alcaldesas da Coruña; responsábeis políticos/as municipais da área de política lingüística; técnicos/as de normalización lingüística dos concellos da Coruña; entidades implicadas en normalización lingüística (institucións, asociacións, empresas, etc.).

É necesario confirmar a asistencia no teléfono 981 183 300 (ext. 4341) ou no enderezo electrónico normalizacion.linguistica@dicoruna.es.

DATA

Mércores 28 de novembro de 2007

LUGAR

Pazo de Mariñán (Lugar de Mariñán s/n. Bergondo)

PROGRAMA [En .pdf, aquí]
10.30 h: Inauguración do encontro
11.00 h: A responsabilidade das administracións locais en normalización lingüística
Debate entre:
-Carlos López Crespo (alcalde de Outes)
-Evencio Ferrero Rodríguez (alcalde de Carballo)
-Iván Puentes Rivera (alcalde de Fene)
Condutora: Belén Regueira (xornalista)
12.15 h: Pausa café
12:45 h: Obradoiros prácticos simultáneos
Liñas de axuda para a creación dun SNL municipal. Creación, funcións e estatus
-Xoán Manuel Sande Muñiz (deputado provincial responsábel de Normalización Lingüística)
-Coordinadora de Traballadores/as de Normalización da Lingua (CTNL)
Como elaborar/aprobar unha ordenanza/regulamento municipal de usos lingüísticos
-Alba Nogueira López (profesora titular de Dereito Administrativo da Universidade de Santiago de Compostela)
14.00 h: Xantar conxunto
16.30 h: Experiencia de acción conxunta: A campaña de dinamización lingüística na hostalaría de Ames, Rois e Brión
-Rosa Moreiras (técnica de normalización lingüística do Concello de Ames)
-Olga Patiño Abeixón (técnica da campaña)
-Begoña Gómez Barreiro (hostaleira de Ames e Brión)
17.15 h: Pausa
17.30 h: Cara a un novo modelo de coordinación: o Consorcio de Planificación Lingüística
-Secretaría Xeral de Política Lingüística da Xunta de Galicia
18.15 h: Actuación de Quico Cadaval
19.00 h: Conclusións do encontro e clausura

ORGANIZA
Deputación da Coruña, desde a Área de Benestar Social, Políticas de Igualdade de Xénero e Normalización Lingüística e a Unidade Técnica de Normalización Lingüística, coa colaboración e xestión da Coordinadora de Traballadores/as de Normalización da Lingua (CTNL).

Para máis información podes dirixirte ao enderezo electrónico: normalizacion.linguistica@dicoruna.es ou ao teléfono 981 183 300 (ext. 4341).

Información sobre a presentación do encontro, aquí.

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020

Avisos

    mes anterior
    Xullo de 2020
    mes seguinte
    Calendario da axenda de Artezanía de Galicia
    L M M X V S D
        1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30 31   
    Próximos eventos

    • Agasallo. Propostas de regalos en galego
    • Asociate á CTNL
    • Gústame... o galego
    • Viveiro de propostas normalizadoras
    • Proposta para a mellora da planificación e xestión dos Celga
    • Traballarmos en dinamización lingüística | Isa Vaquero
    • En defensa do traballo xusto e ilusionante dos SNL
    • Axenda da lingua
    • Envianos
    • Canles de novas da CTNL
    • Facebook da CTNL
    • Kit para a normalización da lingua
    • Queremos Galego
    • Eu.gal: Por un dominio galego