CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Lingua


1260 votos
Votar | | | |


15-10-2009

QUEREMOS GALEGO chama a unha participación masiva da cidadanía a prol “da lingua de todas e todos” na manifestación deste vindeiro domingo en Compostela

18 de outubro. Manifestación en defensa da lingua galegaEste domingo 18 de outubro ás 12.00 h terá lugar en Santiago de Compostela unha moi importante manifestación en defensa da lingua convocada pola plataforma QUEREMOS GALEGO, da que forma parte a Coordinadora de Traballadores/as de Normalización da Lingua (CTNL).

Máis de 400 entidades sociais dos máis diversos ámbitos e máis de 3.000 persoas a título individual adheríronse xa á plataforma cívica convocante da mobilización.

A manifestación está convocada pola plataforma cidadá QUEREMOS GALEGO, formada por varios centos de organizacións sociais e por miles de persoas de todo o país e está apoiada por moitas outras entidades, como asociacións de todo tipo, concellos, centros de ensino, organizacións políticas, sindicatos, etc.

DÍA: Domingo 18 de outubro
HORA: 12.00 h
LUGAR: desde a Alameda de Santiago de Compostela

AUTOBUSES PARA ASISTIR Á MANIFESTACIÓN
Desde diversos puntos do país partirán autobuses para participar na manifestación en Santiago de Compostela. Podes consultar a listaxe de autobuses, así como os datos de contacto, na seguinte ligazón.

ACTIVIDADES VARIADAS
Ao longo deste días haberá diversas actividades de animación e difusión. Podes consultar as actividades, lugares, datas e horarios aquí.

A plataforma cidadá QUEREMOS GALEGO

Ante as diversas medidas e anuncios encamiñados á desprotección oficial do galego e a dar graves pasos atrás no proceso de normalización da lingua galega por parte do goberno da Xunta, constituíuse recentemente a plataforma cidadá QUEREMOS GALEGO, que nace coa pretensión de unir as persoas e entidades de todos os ámbitos que compartan os seguintes principios básicos:
  • A lingua galega é patrimonio e ferramenta de comunicación do pobo galego, e as institucións públicas teñen a responsabilidade e obriga de protexela e promocionala.

  • A normalización lingüística ten que ser un proceso progresivo, polo que desde as institucións públicas non se poden tomar medidas que desprotexan ou reduzan a presenza do galego en ningún ámbito.

  • Os acordos asinados por todos só poden ser substituídos por acordos asinados por todos, e o consenso para a lingua galega está no fixado no Plan xeral de normalización da lingua galega aprobado por unanimidade no Parlamento galego en 2004, así como na Carta europea das linguas rexionais ou minoritarias, ratificada por unanimidade polo Congreso español en 2001.

Nestes momentos forman xa parte da plataforma máis de 400 entidades, entre as que hai asociacións de todo tipo (culturais, educativas, xuvenís, ambientais, de veciñas/os, de nais e pais, de músicas/os, de escritoras/es, etc.), organizacións políticas, sindicatos, entidades públicas, etc. Tamén forman a plataforma arredor de 3.000 persoas a nivel individual.

As accións, actividades, iniciativas, etc., que desenvolva a plataforma QUEREMOS GALEGO serán as que democraticamente se decidan no seu plenario, sempre de acordo cos seus principios básicos e coas súas normas mínimas de funcionamento.

Inicialmente xa hai dúas accións previstas a nivel galego:
  • Manifestación en defensa da lingua galega: 18 de outubro, ás 12.00 h, en Santiago de Compostela.

  • Iniciativa lexislativa popular para levar ao Parlamento Galego a voz da cidadanía en defensa da lingua galega.

Adhesión individual á plataforma QUEREMOS GALEGO

Ademais das adhesións de organizacións e entidades á plataforma cidadá QUEREMOS GALEGO, tamén é moi importante a túa adhesión individual.

Poden formar parte de QUEREMOS GALEGO todas as persoas e entidades que compartan os seus principios básicos.

Polo tanto, podes apoiar e adherirte individualmente a QUEREMOS GALEGO a través desta ligazón.

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019

Avisos

    mes anterior
    Decembro de 2019
    mes seguinte
    Calendario da axenda de Artezanía de Galicia
    L M M X V S D
                1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30 31      
    Próximos eventos

    • Agasallo. Propostas de regalos en galego
    • Asociate á CTNL
    • Gústame... o galego
    • Viveiro de propostas normalizadoras
    • Proposta para a mellora da planificación e xestión dos Celga
    • Traballarmos en dinamización lingüística | Isa Vaquero
    • En defensa do traballo xusto e ilusionante dos SNL
    • Axenda da lingua
    • Envianos
    • Canles de novas da CTNL
    • Facebook da CTNL
    • Kit para a normalización da lingua
    • Queremos Galego
    • Eu.gal: Por un dominio galego