18-11-2007II Congreso internacional de Tradución e políticas editoriais
No Centro Social Caixanova de Vigo terá lugar o
II Congreso internacional de Tradución e políticas editoriais do 15 ao 17 de outubro de 2008.
O congreso ten como obxectivos principais os de proporcionar un espazo de encontro para o estudo e a reflexión sobre a complexidade do fenómeno da tradución editorial, tanto dende a perspectiva do proceso coma do produto.
As sesións plenarias correrán a cargo dos/as axentes especialistas na materia, que tamén participarán en mesas de traballo onde se han pór en común as experiencias de xestión da política editorial dos diferentes ámbitos de Galiza e do Estado español, así como dos procedentes doutros espazos xeográficos.
Acéptanse comunicacións libres sobre os tres diferentes bloques temáticos:
1. Administración. Políticas de actuación. A tradución como ferramenta de normalización. Proxección exterior.
2. Asociación de editores/as e escritores/as. Impacto e cumprimento da lexislación na materia.
3. Colexios e asociacións profesionais de tradutores/as. Funcións e deontoloxía.
Aquelas persoas interesadas en participar deberán enviar unha proposta de comunicación na que figure o título e un resumo (30 liñas aproximadamente), xunto cun breve currículo, antes do 30 de maio 2008 a [
trapo@uvigo.es]
Para máis información:
http://webs.uvigo.es/trapo