Lingua

En galego tes todo por vivir. Tócache!, é o lema da continuación da campaña E logo! que nos próximos días vai comezar a ter presenza publicitaria nos medios de comunicación e que será o marco dunha serie de actividades lúdicas e de dinamización lingüística.

Asociado á campaña actualizouse o web de galegoelogo.com, ao que agora se pode acceder tamén desde www.palabrasencadeadas.com. Nese espazo na rede irase dando conta das diferentes iniciativas.

Primeiras iniciativas

• Publicidade: haberá novos anuncios na televisión, cuñas de radio, cartelaría, anuncios na prensa, etc.


• Palabras con gancho: xogo no que se lles distribuirán palabras ás persoas participantes coa finalidade de que as leven a diversos sitios, lles fagan fotos, vídeos, as enganchen con outras palabras, haxa quedadas de portadores/as de palabras, se conten as súas vivencias na rede, etc. [+info]


• Enfoca o galego II: nova edición do concurso de fotografía a palabras ou frases en galego en lugares públicos. [+info]

A Mesa pide a suspensión da campaña

A Mesa pola Normalización Lingüística reclama "a suspensión inmediata" desta nova campaña e "que o diñeiro previsto para ela se reinvista en introducir o galego en diferentes ámbitos nos que está excluído". Segundo o presidente da Mesa, "sobra propaganda e faltan medidas".