CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Formación


454 votos
Votar | | | |


17-05-2023

Xornada O galego ante o desafío das sociedades multilingües

O galego ante o desafío das sociedades multilingües
Dentro do foro Pensar o mundo desde Galicia, o Consello da Cultura Galega organiza a xornada O galego ante o desafío das sociedades multilingües, que terá lugar o 8 de xuño de 2023. A inscrición nesta actividade está aberta e é gratuíta.


O Consello da Cultura Galega organiza o 8 de xuño de 2023 a xornada O galego ante o desafío das sociedades multilingües, dentro do foro Pensar o mundo desde Galicia, ciclo de xornadas con motivo dos 40 anos da institución.

O obxectivo desta xornada é debater sobre as posibilidades que para o idioma galego se abren nun futuro que se contempla como un contexto de profunda transformación no relativo á ecoloxía da diversidade lingüística e de reforzo do plurilingüismo. E isto vai acontecer en sociedades que verán como os avances tecnolóxicos crean novas condicións de posibilidades para esa diversidade. Ao mesmo tempo, avaliarase como esas transformacións se producen en paralelo ao evidente declive dos modelos identitarios baseados na identificación lingua-Estado ou en conceptos que precisan unha revisión crítica como o de lingua nacional.

Programa

10:00 h: presentación

10:30 h: Cidadanía e multilingüismo, Peter A. Kraus, Universidade de Augsburgo

11:30 h: pausa

12:00 h: Linguas minorizadas e os seus falantes: novos espazos e novas perspectivas, Bernadette O´Rourke, Universidade de Glasgow

13:00 h: debate con Peter A. Kraus e Bernadette O´Rourke moderado por Dolores Vilavedra, Universidade de Santiago de Compostela e coordinadora da xornada

14:00 h: fin da sesión da mañá

17:00 h: mesa de debate Diversidade lingüística e plurilingüismo dende a perspectiva das minorías
Modera: Dolores Vilavedra
Patxi Bastarrika, experto en planificación e política lingüística
Eva Gugenberger, Universidade de Flensburgo
Henrique Monteagudo, Universidade de Santiago de Compostela

19:30 h: peche da xornada

A xornada terá lugar na sede do Consello da Cultura Galega, no Pazo de Raxoi, de Santiago de Compostela, e a inscrición é gratuíta e libre ata completar a capacidade da sala (100 persoas).

Máis información sobre esta xornada aquí.

Programa en .pdf

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022 2023 2024

Avisos

    mes anterior
    Febreiro de 2024
    mes seguinte
    Calendario da axenda de Artezanía de Galicia
    L M M X V S D
          1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29    
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • En defensa do traballo xusto e ilusionante dos SNL
    • Envianos
    • Canles de novas da CTNL
    • Facebook da CTNL
    • Twitter da CTNL
    • Instagram da CTNL
    • Kit para a normalización en rede
    • Proxector
    • Queremos Galego
    • Eu.gal: Por un dominio galego