CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Lingua


7965 votos
Xa votaches!


24-04-2012

Centros de Ponte Caldelas, Vigo, As Pontes e Rois, na final galega este sábado 28 do Club de debate organizado polos SNL

Centros de Ponte Caldelas, Vigo, As Pontes e Rois, na final galega do Club de debate organizado polos SNL
Este sábado 28 de abril o Pazo da Cultura de Pontevedra acolle a final galega do Club de debate, unha actividade conxunta organizada a través dos servizos de normalización lingüística (SNL) de 12 concellos e que se estivo desenvolvendo nos últimos meses. A esta final chegan catro equipos de centros de ensino de Ponte Caldelas, Vigo, As Pontes e Rois


O Club de Debate é unha actividade que, nos últimos anos, xa viñan desenvolvendo por separado os concellos de Pontevedra e da Coruña mais, este ano, na procura da ampliación territorial, da necesaria colaboración e coordinación administrativa para o fomento da lingua e da optimización de recursos, desenvolverase conxuntamente entre 12 concellos, a través do traballo conxunto e coordinado dos seus servizos de normalización lingüística (SNL): Ames, Betanzos, Carballo, Carral, Ferrol, Oleiros, As Pontes, Pontevedra, Rois, Santiago de Compostela, Teo e Vigo.

O obxectivo principal desta actividade é favorecer o emprego do galego na mocidade en contextos formais, incentivar o pensamento crítico e o intercambio de opinións e afondar na fluidez comunicativa.

Despois das respectivas fases comarcais do Club de debate, catro equipos son os que disputarán a final galega, que terá lugar o sábado 28 de abril, a partir das 10.00 h, no Pazo da Cultura de Pontevedra:
-IES de Ponte Caldelas, gañador da comarca de Pontevedra
-IES Castelao, gañador da comarca de Vigo
-CPI Monte Caxado (As Pontes), gañador da comarca de Ferrolterra
-CPI dos Dices (Rois), gañador da comarca de Compostela

Esta fase final constará de 4 debates e unha final.
10.00 h - 1.º debate: IES de Ponte Caldelas - CPI dos Dices, Rois
11.00 h - 2.º debate: CPI Monte Caxado das Pontes - IES Castelao, de Vigo
12.30 h - 3.º debate: IES de Ponte Caldelas - IES Castelao, de Vigo
13.30 h - 4.º debate: CPI dos Dices, Rois - CPI Monte Caxado das Pontes
16.30 h - FINAL, co debate entre os dous equipos mellor puntuados nos debates anteriores

O equipo gañador será agasallado cunha viaxe cultural para 25 persoas valorada en 5.000 euros.

O tema desta final galega será “Os usos das novas tecnoloxías favorecen as relacións sociais”, e aos equipos corresponderalles defender a postura a favor ou en contra deste tema. O xurado estará formado por Susana Pedreira (xornalista de Onda Cero), Paula Soto (técnica de normalización lingüística de Moaña), Anabel Alonso (escritora e bibliotecaria), Xiao Somoza (profesor e músico) e Nel Vidal (técnico de normalización lingüística de Carballo e presidente da CTNL).

Aos debates poden asistir como público todas as persoas interesadas.


Ligazóns relacionadas


Bases da final galega do Club de debate 2012

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022 2023 2024

Avisos

    mes anterior
    Febreiro de 2020
    mes seguinte
    Calendario da axenda de Artezanía de Galicia
    L M M X V S D
              1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29  
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • En defensa do traballo xusto e ilusionante dos SNL
    • Envianos
    • Canles de novas da CTNL
    • Facebook da CTNL
    • Twitter da CTNL
    • Instagram da CTNL
    • Kit para a normalización en rede
    • Proxector
    • Queremos Galego
    • Eu.gal: Por un dominio galego