“Os medios de comunicación que utilizan a nosa lingua son vitais se queremos asegurar o prestixio e a viabilidade do idioma para as futuras xeneracións”. isto afirman os dez medios que inician a campaña Vitaminas para o galego.
A emisora Radiofusión e os xornais Galicia Confidencial, Tempos Novos, Praza Pública, Novas da Galiza, Val Miñor.info, QuePasaNaCosta, Certo.gl, O Sil e Crónica3 impulsan esta campaña que se desenvolverá no primeiro semestre do 2012 e que busca sensibilizar á cidadanía sobre a necesidade de medios en galego e tamén pescudar para eles recursos económicos.
Vitaminas para o galego. Campaña de sensibilización de dez medios de comunicación en galego
Galicia Confidencial, Novas da Galiza, Praza Pública, Radiofusión, Tempos Novos, Certo, Quepasanacosta, O Sil, Valmiñor.info e Crónica3 son os dez medios que inician a campaña de sensibilización da comunicación en lingua propia Vitaminas para o galego
