O Premio “Rosalía de Castro” de promoción da lingua galega está destinado a recoñecer iniciativas, traballos recentes, traxectorias de persoas, colectivos ou entidades comprometidas coa promoción e dignificación social do noso patrimonio lingüístico, quer no ámbito da provincia, quer a nivel galego. Terase especialmente en conta o traballo con aqueles sectores de especial relevancia para o futuro do galego.
Destinatarios/as
Calquera persoa , colectivo, asociación ou entidade ligada a proxectos de promoción do galego, coa súa residencia ou sede social no territorio galego e aquelas que teñan unha especial incidencia ou desenvolvan a súa actividade na provincia da Coruña.
Méritos que se valoran
– Tarefa continuada desenvolvida a favor da promoción da lingua galega.
– Actuacións concretas (previstas ou desenvolvidas) no ano 2016 a favor da dignificación social da lingua galega.
– Uso habitual e digno do galego nas súas actividades e nos seus servizos.
– Campañas de información e/ou publicitarias en galego.
– Contribución á galeguización de sectores de especial relevancia económica, social e cultural.
– Labor dirixido especialmente aos tramos de poboación de menor idade, infancia e mocidade.
Premios
Haberá dous premios de 2.500 euros en cada una das seguintes categorías:
– Premio “Rosalía de Castro” de Lingua 2016 a aquela persoa, colectivo, entidade ou asociación que máis destaque na promoción da lingua galega
– Premio “Rosalía de Castro” de Lingua 2016 a aquela persoa, colectivo, entidade ou asociación que realice un traballo específico cos tramos da poboación de menor idade, infancia e mocidade
Prazo de presentación de propostas
Do 17 de marzo ao 30 de xuño de 2016
Presentación de propostas
Pode presentar propostas calquera persoa ou entidade, mais non está permitido autocandidatarse.
Como e onde se presentan?
As propostas presentaranse no Rexistro Xeral da Deputación da Coruña (modelo de solicitude anexo ás bases) ou no enderezo electrónico normalizacion.linguistica@dacoruna.gal
Bases completas, en .pdf, aquí >
VII Premio Rosalía de Castro de Lingua da Deputación da Coruña
A Deputación da Coruña volve convocar o premio “Rosalía de Castro” de Lingua, que neste ano 2016 chega á súa sétima edición. O obxectivo xeral deste galardón é recoñecer a promoción e dignificación desinteresada do noso patrimonio lingüístico.
