Vigo xa conta cun Centro Municipal de Interpretacón da Oralidade que xurde para recuperar, poñer en valor e transmitir o patrimonio inmaterial galego, así como a idea de crear novos/as reguefeiros/as e incorporar novos formatos. Esta ferramenta porá en valor as regueifas, os brindos, as xaneiras, contos, lendas, incluíndo novos formatos como o rap, o slam ou novas lendas urbanas.
O Centro ten sede no IME, ao tempo que impartirá algunhas clases no centro Emilia Pardo Bazán. As sesión serán os mércores entre as 18.00 e as 20.00 horas e arranca o próximo 2 de outubro.
Máis información >
Vigo crea o Centro Municipal de Interpretación da Oralidade en galego
O Concello de Vigo creou o Centro de Interpretación da Oralidade, para recuperar, poñer en valor e transmitir o patrimonio inmaterial das tradicións orais galegas. A actividade do centro arrancará o 2 de outubro
