O dito proxecto busca ofertar, de xeito totalmente gratuíto, un espazo de xogo en que os nenos e as nenas poidan gozar de espectáculos de monicreques, xogar cos protagonistas dos libros Os Bolechas, ir de excursión, facer manualidades, xogar coa música, coa ciencia etc.; ademais de achegar a lingua galega aos nenos e ás nenas a través de eidos distintos ao da escola: no tempo libre, a través do xogo.
Ofértanse 60 prazas repartidas entre os barrios de Feáns e San Pedro de Visma. Poderase realizar a inscrición a partir do xoves 30 nas entidades colaboradoras:
- AA.VV. Novo Mesoiro, das 18.00 ás 20.00 h
- AA.VV. Loureiro de Visma ( Lugar de San Pedro de Visma, fronte á igrexa), das 10.00 ás 14.00 h e das 16.30 ás 21.00 h.
Máis información no 981 184 259 ou no blogue (en construción) do SNL da Coruña
