URXENTE!: Salceda de Caselas convoca unha praza de TNL

O Concello de Salceda de Caselas publicou no BOP do 13 de xuño de 2025 a convocatoria dun proceso selectivo para contratar un/unha técnico/a de normalización lingüística. Tamén se prevé a formación dunha bolsa de emprego co mesmo0 perfil.

Características da praza

Trátase da contratación en réxime de interinidade dunha praza de técnico/a medio/a de normalización lingüística como persoal laboral do grupo A2. As funcións do posto están recollidas nas bases publicadas na sede electrónica do concello.

A duración do contrato será de dous anos desde a súa formalización, con posibilidade de prórroga.

Requisitos de titulación

Licenciatura en Filoloxía Galego-Portuguesa, Filoloxía Galega ou Filoloxía Hispánica (subsección Galego-Portugués), Grao en Lingua Galega, calquera outra licenciatura/grao, sempre que se dispoña do Celga 5.

Procedemento de selección

O sistema de selección será a oposición, que constará de dous exercicios:

• Primeiro exercicio: consistirá en contestar por escrito un cuestionario de 30 preguntas tipo test, con tres respostas alternativas, relacionadas co contido do temario do anexo II das bases. A cualificación máxima deste exercicio é de 30 puntos, sendo necesario acadar 15 puntos para superalo. O tempo máximo para realizar este exercicio son 40 minutos.
• Segundo exercicio: exame práctico para o desenvolvemento dun ou de varios supostos de carácter práctico relacionados co temario do anexo II das bases. A cualificación máxima deste exercicio é de 20 puntos, sendo necesario acadar 10 puntos para superalo. O tempo máximo para realizar este exercicio son 60 minutos.

Presentación de solicitudes e prazo

O prazo de para presentar solicitudes é de 5 días hábiles desde o seguinte á publicación da convocatoria no BOP, é dicir, o prazo finaliza o 20 de xuño.

As persoas que desexen tomar parte do procedemento selectivo desta praza deben presentar:

1. Solicitude no modelo oficial do anexo I das bases
2. Fotocopia do DNI ou NIE
3. Xustificante acreditativo do pagamento das taxas
4. Xustificante da titulación esixida (copia do título académico)