A Coordinadora de Traballadores/as de Normalización da Lingua emite un comunicado sobre o proceso de renovación do Plan xeral de normalización da lingua galega.
Marta Souto González, técnica de normalización lingüística do Concello de Vigo e socia fundadora da CTNL, deixounos o pasado venres.
O vindeiro 26 de outubro chegamos á décima edición do LGx15. Ideas para o futuro da lingua, a iniciativa da CTNL para difundir ideas, experiencias e propostas que poidan mellorar o futuro da lingua. Terá lugar no Teatro Principal de Compostela ás 19.00 h, coa colaboración da Secretaría Xeral da Lingua, o Concello de Santiago de Compostela, e Deleite e a Fundación Galicia Sustentable.
O pasado 21 de setembro fixéronse 20 anos da aprobación por unanimidade no Parlamento de Galicia do Plan xeral de normalización da lingua galega. Dúas décadas despois, as 400 medidas que recolle o documento “para favorecer o uso do idioma nos distintos ámbitos da sociedade e garantir que calquera cidadán poida vivir plenamente en galego” continúan sen aplicarse e, por tanto, os obxectivos establecidos no plan tampouco se acadaron.
A CTNL organiza os días 17, 24 e 31 de outubro o curso As redes sociais, unha ferramenta valiosa para a normalización lingüística. O curso terá lugar en Compostela e impartirao Verónica Ramallal Trevín, licenciada en Comunicación Audiovisual pola Universidade de Vigo e CEO de Pekecha.
Un ano máis, e van tres, durante o mes de agosto manteremos activo o cancelo #veránlingua para informar de iniciativas, lecturas, campañas, documentos, recursos… que consideramos de interese para a normalización lingüística, alén da actualidade que se poida producir.
Asociate na CTNL
A CTNL no Youtube
Queremos galego!
Kit para a normalización en rede
