(Re)pensando o discurso. Algunhas conclusións do curso de verán de dinamización lingüística

O VII Curso de Verán Traballando en Lingua, (Re)pensando o discurso, organizado polo Servizo de Normalización Lingüística da Universidade da Coruña, en colaboración coa Coordinadora de Traballadores/as de Normalización da Lingua (CTNL), que tivo lugar os pasados 20, 21 e 22 de xullo de 2011 no Pazo da Cultura da Carballo, afondou na necesidade de reflexionarmos sobre os discursos e os marcos existentes na actualidade sobre a lingua galega e sobre o proceso de normalización lingüística en xeral. A partir do debate xerado nos diferentes grupos de traballo, así como dos contidos expostos polos/as relatores/as convidados/as ao curso, extraéronse os apuntamentos que se poden descargar aquí e que pretenden constituír as bases dunhas conclusións xerais do curso.

Todas as persoas que participaron no curso poden realizar achegas para as conclusións definitivas até o vindeiro 12 de setembro nos enderezos snl@udc.es ou info@ctnl.org.

Descarga aquí os apuntamentos para as conclusións en .pdf >

Ademais, despois do verán o SNL da UDC publicará e difundirá todos os materiais e relatorios deste curso.

Outras cousas que che poden interesar do curso:

• Reportaxe fotográfica no perfil Facebook da CTNL (www.facebook.com/cotenol), aquí.



• Galiza e os galegos, imaginariotik fextigalera. Unha crónica en euskara no blog de Marije Manterola.



• Reportaxe fotográfica de Marije Monterola en Flickr, aquí.



• Queremos galego ou impoñemos galego? Breve panorámica verbo dos marcos e dos discursos (erróneos?) sobre a lingua galega. Relatorio de Iván Méndez.



• Os expertos cren que fai falla mudar o discurso da normalización lingüística. Info en La Voz de Galicia (21/7/2011).



• Sen soberanía política non pode haber normalización. Entrevista en La Voz de Galicia a Celso Álvarez Cáccamo a raíz da súa intervención no curso (22/7/2011).



• A lingua, un valor positivo. Info en La Voz de Galicia (23/7/2011).



• Teatro sen pelos na lingua. Info en La Voz de Galicia (23/7/2011).