Recursos didácticos para un Nadal en galego
Panxoliñas, información sobre o Apalpador, recomendacións de agasallos, cartas aos reis e ao Apalpador, concursos, refráns, costumes, etc., son algúns dos recursos compilados pola Coordinadora de ENDL nun espazo especial no seu web de utilidade para a comunidade educativa
O karaoke do Apalpador, receitas de cociña, cantos de Nadal, costumes, discos de panxoliñas, recursos didácticos sobre o Nadal, textos de obras de teatro para poderen ser representados, modelos de cartas ao Apalpador ou aos Reis Magos, propostas de agasallos en galego para todos os gustos e idades, contos de Nadal, concursos de cartas de Nadal, de presentacións, de iniciativas, etc. Todo isto e moito máis pódese atopar na completa compilación que a Coordinadora Galega de ENDL preparou para este Nadal, cunha chea de recursos didácticos para poderen ser utilizados nos centros de ensino.
