A proposta remitida inclúe unha introdución e exposición de motivos, unha explicación das principais eivas do sistema de formación da SXPL e propostas concretas de mellora dese sistema.
De xeito esquemático e resumido, as eivas detectadas e as propostas feitas son as seguintes:
PRINCIPAIS EIVAS DO SISTEMA DE FORMACIÓN EN LINGUA DE PERSOAS ADULTAS DA SXPL
- Falta de universalidade e de planificación territorial
- Ausencia de coordinación previa cos servizos de normalización lingüística
- Desfasamento temporal entre o momento da solicitude dos cursos e as datas de impartición
- Descoordinación entre as datas de inscrición nas probas e as datas de comezo dos cursos
- Falta de garantías na realización dos cursos para colectivos
- Competencia lingüística desigual do alumnado
- Exceso de número de alumnos/as por aula
- Inexistencia dun certificado de asistencia aos cursos
- Escasa formación específica para o profesorado colaborador
- Precarias condicións laborais do profesorado
- Requisitos dubidosos e pouco claros de selección de profesorado colaborador
ALGUNHAS PROPOSTAS DE MELLORA DO SISTEMA DE FORMACIÓN EN LINGUA GALEGA DE PERSOAS ADULTAS DA SXPL
- Planificación anual centralizada da oferta formativa, de forma que se cubra todo o territorio
- Fixación lóxica das datas de inscrición nos cursos e nas probas
- Nivelación previa do alumnado
- Fixación de grupos formativos reducidos
- Certificado de asistencia aos cursos
- Formación específica completa e de calidade para profesorado colaborador
- Creación dun corpo docente estábel
O documento completo pódese consultar en .pdf no apartado “Propostas” do “Andel da CTNL”.
