REQUISITOS
- Xerais. Ser español ou española, cidadán ou cidadá dun estado membro da UE nos termos da Lei 17/1993, do 23 de decembro, ou estranxeiro residente en España en situación de legalidade que sexa titular dun documento que o habilite para residir e poder acceder sen limitacións ao mercado laboral, ter 16 anos cumpridos, non padecer enfermidade ou defecto físico que impida o desempeño das funcións, non ter sido separado/a mediante expediente disciplinario do servizo en calquera das administracións públicas nin atoparse inhabilitado/a para o exercicio das funcións públicas.
- Específicos. O título de licenciado/a en Filoloxía Galega.
CRITERIOS DE SELECCIÓN
O método de selección é o concurso-oposición. Na fase de concurso valoraranse os seguintes méritos:
- 1.Valoración de servizos prestados cunha puntuación máxima de 4,00 puntos.
- 1.a Por servizos prestados no Concello de Ribadeo, en postos de traballo de contido análogo ou categoría semellante ao da prazas a que se opta (0,05 puntos/mes completo ou fracción) .
- 1.b) Por servizos prestados noutras administracións públicas, en postos de traballo de contido análogo ou categoría semellante ao da praza (0,03 puntos/mes completo ou fracción)
- 2.Por cursos relacionados coa actividade impartidos pola Administración pública ou entidades delas dependentes ou homologados, até un máximo de 2 puntos.
- 2.a Cursos de máis de 100 horas (0,75 puntos)
- 2.b Cursos de 70 a 100 horas (0,50 puntos)
- 2.c Cursos de 40 a 70 horas (0,35 puntos)
- 2.d Cursos de 15 a 40 horas (0,20 puntos)
- 2.e Cursos de menos de 15 horas (0,10 puntos
- 2.f Cursos, xornadas, etc., en que non figure o número de horas 0,05 puntos
- 3. Experiencia até un máximo de 2 puntos. Experiencia na organización, en sentido amplo, de actividades socioculturais no ámbito cultural galego, á marxe das administracións públicas e experiencia en traballos relacionados, en sentido amplo, coa lingua galega e a súa normalización, á marxe das administracións públicas (até 2 puntos).
- 4. Outros méritos, até un máximo de 2 puntos. Publicación realizadas e cursos impartidos no ámbito da lingua e cultura, até un máximo de 2 puntos.
A proba escrita consistirá na realización dun exercicio escrito, cun máximo de 60 minutos de duración, relativo ás funcións dun técnico/a para o desenvolvemento das funcións relativas á normalización lingüística do idioma galego e desenvolvemento das actividades culturais na Delegación Municipal de Cultura. No ámbito da normalización lingüística consistirá na tradución e corrección dalgún texto, deseño e coordinación de campañas ou traballos de dinamización social da lingua galega e tocante ás funcións para o desenvolvemento das actividades culturais no deseño e coordinación xeral das actividades culturais que organiza a Delegación de Cultura. Para a superación da proba precisarase obter polo menos 5 puntos. De non obterse será causa de exclusión e non se procederá a valoración dos méritos.
CONVOCATORIA COMPLETA [.pdf, 13 KB]
