Entre as diferentes medidas que se van levar a cabo, cómpre salientar programas de xuventude e de inmersión lingüística ou a mellora da recepción e cobertura da Radio Galega e da Televisión de Galicia nestas terras.
Este programa responde á proposición non de lei sobre a adopción de medidas na defensa do idioma galego nos territorios galegofalantes que actualmente non forman parte da Comunidade Autónoma de Galicia, que se presentou no Parlamento de Galicia hai xa un ano, onde tamén se ten previsto a comparecencia de representantes das entidades sociais e culturais do Bierzo para falaren da súa realidade e exporen as súas demandas.
