Os Encontros para a Normalización Lingüística abordan a situación dos SNL e dos EDLG

Lingua en acción: pasado, presente e futuro dos equipos e servizos de normalización lingüística é o título con que os Encontros para a Normalización Lingüística analizarán o percorrido, a situación actual e o futuro destas unidades técnicas para a promoción da lingua. Será durante a xornada do martes 21 de outubro no Consello da Cultura Galega.

Tras un estudo preliminar a través de cuestionarios ás persoas responsables de SNL e EDLG, na sesión do 21 de outubro presentaranse os seus principais resultados. Así mesmo, a partir dos datos extraídos farase unha abordaxe cualitativa en dúas mesas de debate: unha delas con técnicos e técnicas de normalización lingüística e outra con docentes responsables de equipos de dinamización da lingua galega.

O labor de ambos os perfís tamén se analizará desde a perspectiva da eficacia, pois en dúas mesas presentaranse experiencias de traballo co fin de extraer delas propostas de mellora e reactivación dos EDLG e SNL.

A xornada pecharase coa actuación das integrantes de Regueifa Tour, a xira de regueifa que busca achegar a improvisación oral en verso á mocidade nos seus ámbitos de lecer.

Os XXVII Encontros para a Normalización Lingüística terán lugar o 21 de outubro de 2025, na sede do Consello da Cultura Galega (Pazo de Raxoi, 2º andar, praza do Obradoiro, s/n, Santiago de Compostela).

PROGRAMA

Sesión da mañá

• 9:15 horas: inauguración
• 9:30 horas: RELATORIO: Análise da situación actual dos SNL da Administración pública galega e dos EDLG dos centros de ensino
  Håkan Casares Berg, Observatorio da Cultura Galega (CCG)
  Ana Iglesias Álvarez, Comisión Técnica do CDSG (CCG)
• 10:30 horas: MESA COLOQUIO: Pasado con pegada e futuro en construción: o traballo dos servizos de normalización lingüística (SNL)
  Beatriz Bascoi Maceiras, SNL do Concello de Ferrol
  Manuel Núñez Singala, SNL da Universidade de Santiago de Compostela
  Carme Pereiro Felípez, SNL do Concello de Carballo
  Inma Seage Freire, SNL dos concellos de Rois e Dodro
  Coordina e modera: Mónica Fernández Valencia
• 12:00 horas: pausa
• 12:30 horas: MESA COLOQUIO: Boas prácticas no traballo dos servizos de normalización lingüística (SNL)
  Marta Besada Otero, Obradoiros de acollemento lingüístico e Proxecto Elos do Departamento de Lingua Galega do Concello de Santiago
  Conchi Cochón Rodríguez, proxectos colaborativos de Alingua
  Adela Pita Permuy, proxectos Xera, Narón gaña co galego e Galego viaxeiro do SNL do Concello de Narón
  Gabino S. Vázquez Grandío, Modo galego. Actívao! da Real Academia Galega e SNL do Concello de Ames
  Coordina e modera: Rosa Moreiras Cuñarro
• 14:00 horas: final da sesión da mañá

Sesión da tarde

• 16:00 horas: MESA COLOQUIO: Entre o deber e o compromiso: 30 anos dos equipos de normalización nos centros de ensino
  Xabier Camba Sanmartín, IES Plurilingüe Antón Losada Diéguez (A Estrada)
  Mariña Lema Blanco, CEIP Plurilingüe José Cornide Saavedra (A Coruña)
  Xosé Ramón López Boullón, Colexio Divino Maestro (Santiago de Compostela)
  Nel Vidal Barral, CPI Plurilingüe O Cruce (Cerceda)
  Coordina e modera: David Cobas Medín
• 17:30 horas: pausa
• 18:00 horas: MESA DE TRABALLO: Experiencias do alumnado integrante dos EDLG
  Arcadio González Nóvoa e Julieta Pérez Luna, coordinador e alumna do EDLG do IES Plurilingüe Rafael Dieste (A Coruña). Participan en Aquí tamén se fala e O Dépor é da Coruña.
  Óscar Iglesias Resúa, exalumno do EDLG do IES Félix Muriel (Rianxo). Participou activamente nos diferentes proxectos do equipo.
  Diego Madarnás Iglesias, exalumno do EDLG do IES do Milladoiro (Ames). Participou nos proxectos Club de Debate Alingua, Club de Lectura e Radio Escolar.
  Andrea Recarey Fernández, exalumna do EDLG do IES Arcebispo Xelmírez I (Santiago). Participou no proxecto 21 días co galego
  Coordina e modera: Xaime Varela Sieiro
• 19:00 horas: actuación de peche: Regueifa Tour, presentada por Manuel Maseda Deán
• 19:30 horas: clausura

INSCRICIÓN

A inscrición nos XXVII Encontros para a Normalización Lingüística é gratuíta e debe facerse a través do formulario desta páxina. O número de prazas é limitado e cubriranse por rigorosa orde de inscrición.

Organiza: Centro de Documentación Sociolingüística de Galicia do Consello da Cultura Galega coa colaboración da Xunta de Galicia (Secretaría Xeral da Lingua)

Programa en .pdf