Obradoiro de rap en galego para a mocidade coruñesa
A Asociación Cultural Alexandre Bóveda organiza un obradoiro de rap e de regueifa de balde co obxectivo de achegar o galego á mocidade coruñesa en especial no seu tempo de lecer e tamén para incentivar a aprendizaxe e a vitalidade da nosa lingua.
O obradoiro, en cuxa organización colabora a Concellaría de Normalización Lingüística do concello coruñés, vai contar coa presenza de García (DKTC), Pinto d’Herbón e Luís O Caruncho e vai ter lugar todos os sábados dende o 11 de outubro até o 22 de novembro.
