O SNL do Concello de Betanzos organiza dous concursos para festexar o Día das Letras
O Servizo de Normalización Lingüística e o Departamento de Cultura, Educación e Deporte do Concello de Betanzos, en colaboración cos centros de ensino do concello, organizan dos certames para revitalizar o emprego escrito da lingua e a nosa tradición oral con motivo do Día das Letras Galegas.
Estas dúas actividades son, en primeiro lugar, un concurso de redacción sobre a vida e obra de Ramón Piñeiro, destinado ao alumnado de primaria de Betanzos e, en segundo lugar, un concurso de recollida de tradición oral da Comarca das Mariñas, destinado ao alumnado de secundaria.
