- Avaliación non eliminatoria dos méritos que a continuación se indican, que en calquera caso deberán ser debidamente acreditados:
- Expediente académico, segundo baremos habituais. (O SNL tramitarao de oficio)
- Colaboración con servizos de normalización lingüística ou experiencia neste terreo: 0,1 puntos (máximo 0,5)
- Cursos de idiomas, agás os de galego: 0,1 puntos. (máximo 0,5)
- Outros cursos (informática, mecanografía: 0,1 puntos.
- Docencia nalgún destes cursos: 0,2 puntos
- Asistencia a congresos, xornadas, seminarios relacionados coa lingua: 0,05 puntos (máximo 0,5)
- Presentación de relatorios en congresos, xornadas, seminarios relacionados coa lingua: 0,2 puntos
- Publicacións relacionadas coa lingua: 0,2 puntos
- Realización dunha proba simultánea de coñecementos lingüísticos e ofimáticos: unha proba escrita, eliminatoria, que consistirá na reconstrución (mediante a tradución e/ou a corrección) dun texto administrativo ou cientifico-técnico proposto polo tribunal. A proba deberá realizarse mediante o procesador de textos Microsoft Word para Windows. Para os efectos de puntuación, a parte lingüística terá o dobre de peso cá informática.
- Entrevista persoal
A presentación de solicitudes, acompañadas da documentación acreditativa dos méritos alegados, agás o expediente académico que se tramitará de oficio, farase entre o 21 de outubro e o 6 de novembro de 2009, no Rexistro Xeral da USC, situado na Reitoría da USC (Colexio de San Xerome. Praza do Obradoiro s/n, Santiago de Compostela) ou no Rexistro do Campus de Lugo, situado no edificio de Servizos Administrativos da Biblioteca Intercentros (Avda. de Bernardino Pardo Ouro s/n, Fingoi-Lugo). Tamén poderá presentarse nas formas e lugares establecidos na Lei de réxime xurídico das administracións públicas e do procedemento administrativo común.
Podes consultar máis información sobre este proceso selectivo nesta ligazón.
