Se xa descargaches a última versión do Firefox 3 xa podes empregalo en galego. Se aínda non a descargaches, podes facelo en: http://www.mozilla-europe.org/es/firefox/.
Para utilizalo en galego, tanto se usas Linux, Mac ou mesmo Windows é igual de sinxelo: só terás que descargar o paquete de idioma e despois arrastralo a unha xanela aberta do teu novo Firefox 3. Automaticamente preguntarache se desexas instalalo: dille que si…, e xa está!
Desde Mancomún, que se encargaron desta tradución, avisan de que se se atopan erros na tradución se avise enviando un correo a galician@mozdev.org.
Este paquete de idioma que se ofrece agora non é aínda a versión definitiva, pois está pendente dunha revisión completa e de ser validada pola Fundación Mozilla. Desde Mancomún contan que a versión definitiva estea entre mediados e finais de xullo.
O novo navegador Firefox 3 xa se pode usar en galego
A nova versión acabada de lanzar do máis popular navegador de código aberto, o Firefox de Mozilla, xa dispón de versión en galego desde o principio, grazas ao paquete de idioma traducido por Mancomún, o Centro de Referencia e Servizos de Sóftware Libre de Galiza.
