A Expolangue é un espazo de encontro de diversas institucións lingüísticas de todo o mundo e entidades de formación en idiomas, para favorecer o intercambio e a promoción da diversidade de linguas, así como para dar a coñecer ferramentas e posibilidades de aprendizaxe aos visitantes.
A expedición galega pretende difundir o galego e as súas posibilidades de aprendizaxe, a través dos recursos na rede, dos centros de estudos galegos das universidades francesas e mais dos cursos de verán para estranxeiros en Galicia. Ademais, o venres 16, haberá minicursos de iniciación á lingua galega nun dos salóns da feira.
O galego na feira internacional Expolangues
A Secretaría Xeral de Política Lingüística da Xunta de Galicia contará cun expositor na feira internacional de linguas Expolangues, que terá lugar en París dende hoxe até o venres 16 de xaneiro.
