O Campo da Leña, Novo Mesoiro, Salvador de Madariaga, a Praza das Conchiñas, a Praza Elíptica e a Praza de Pablo Iglesias da Coruña acollerán durante o mes de maio unha carpa móbil chea de actividades para nenos e nenas na que estarán Os Manicómicos, Mamá Cabra, Migallas, Falcatrúa, Casahamlet, etc., con música, animación, monicreques, teatro, actividades variadas, etc., ademais de exposición de materiais en galego e sorteos.
Deste xeito, a Concellaría de Mocidade, Solidariedade e Normalización Lingüística do Concello da Coruña, en colaboración coa Concellaría de Cultura, poñen en marcha o programa de actividades O galego medra contigo.
Ademais de todas esas actividades da carpa móbil, tamén se van desenvolver outras por toda a cidade e organizadas por diversas entidades, como un concerto cos grupos Chámalle Xis, Sonoro Maxín e Berri Txarrak, ciclos de conferencias, maratóns de lectura, outros concertos, etc.
O programa completo pódese descargar en .pdf aquí. Tamén se pode obter máis información no blog do SNL do Concello da Coruña.
O galego medra contigo! Maio encherá A Coruña de actividades de promoción lingüística
Durante todo o mes de maio toda a cidade da Coruña encherase de diversas actividades para que pequenos/as e mozos/as poidan gozar da lingua galega. Unha carpa móbil percorrerá os diversos barrios con animación de rúa, concertos, teatro, animación á lectura, exposición de materiais, etc.
