O Consello Escolar de Galicia rexeita a totalidade do proxecto de decreto do plurilingüismo

O pleno do Consello Escolar de Galicia, órgano superior de consulta e participación da educación no noso país, rexeitou na súa totalidade o anteproxecto do decreto do plurilingüismo que lle foi presentado pola Xunta de Galicia.

Na xuntanza do plenario que tivo lugar este mércores 7 de abril, o Consello Escolar aprobou, con 24 votos a favor e 16 en contra, unha emenda á totalidade do texto.

Este órgano consultivo está composto por profesorado da ensinanza pública e privada, nais e pais de alumnos/as, persoal de administración e servizos, alumnado, sindicatos, administración educativa, administración local, universidades, diversas institucións e persoeiros de recoñecido prestixio.

A emenda á totalidade do antreproxecto de decreto non ten carácter vinculante, xa que o Consello Escolar é un organismo de carácter informativo e consultivo. Do mesmo xeito que aconteceu na Mesa Sectorial do Ensino, o goberno podería obviar a postura do Consello Escolar e sacar adiante unilateralmente o proxecto a pesar de toda a oposición social.

Coincidindo coa xuntanza do Consello Escolar, varios centos de persoas convocadas pola plataforma Queremos Galego concentráronse para amosar o rexeitamento ao chamado pola Xunta “Decreto do plurilingüismo”.

Nos medios:

• O Consello Escolar rexeita o Decreto do galego (A Nosa Terra, 7/4/2010)



• O Consello Escolar rexeita o “decretazo” (Vieiros, 7/4/2010)



• O Consello Escolar emenda á totalidade o decreto do plurilingüismo do PP (Xornal de Galicia, 7/4/2010)



• El Consello Escolar de Galicia rechaza el proyecto del decreto del plurilingüismo (El Correo Gallego, 7/4/2010)



• O Consello Escolar quere que se retire o “decreto do plurilingüismo” (GzNación, 7/4/2010)



• A Consellería de Educación recollerá novas propostas feitas polo consello escolar no proxecto de decreto do plurilingüismo (Web da Xunta, 7/4/2010)



• El Consello Escolar de Galicia rechaza el borrador del decreto (La Voz de Galicia, 7/4/2010)



• El Consello Escolar tumba el decreto del gallego por amplia mayoría (El País, 8/4/2010)



• Fractura sen precedentes (Galicia Hoxe, 8/4/2010)



• El decreto del plurilingüismo tropieza en el Consello Escolar (El Correo Gallego, 8/4/2010)



• El Consello Escolar de Galicia rechaza el decreto del gallego (La Voz de Galicia, 8/4/2010)



• El Consello Escolar rechaza el decreto del idioma (La Opinión de A Coruña, 8/4/2010)



• A Xunta seguirá adiante co decreto plurilingue a pesar do rexeitamento do Consello Escolar de Galiza (A Peneira, 8/4/2010)



• O Consello Escolar rexeita o decreto do galego pero a Xunta non o retira (Xornal de Galicia, 8/4/2010)