As catro xornadas temáticas nas que se divide o seminario son:
1 de decembro de 2009: Análise da situación sociolingüística actual
16 de marzo de 2010: Modelos de oficialidade / linguas e ensino
4 de maio de 2010: Medios de comunicación e ámbito socioeconómico
29 de xuño de 2010: Proposta dun modelo de convivencia para o futuro
A primeira das xornadas desenvolverase o vindeiro martes 1 de decembro coa participación de Albert Branchadell, Fermín Bouza, Antón Losada e Mauro Fernández.
O obxectivo final deste foro de debate é a elaboración dun informe, que conterá unha selección dos relatorios e intervencións, e un texto de conclusións elaborado polos coordinadores, que será sometido á discusión dos participantes. Este informe será tamén elevado ao Consello da Cultura Galega.
A asistencia está restrinxida por convite do Consello da Cultura Galega, mais sempre que a capacidade do espazo o permita a organización poderá atender peticións de asistencia de persoas interesadas.
O programa completo en .pdf pode consultarse aquí.
O Consello da Cultura Galega organiza o Seminario sobre lingua, sociedade e política
Ante a amplitude, intensidade e relevancia política que están adquirindo os debates sobre a lingua, o Consello da Cultura Galega quere estabelecer foros de debate e reflexión nesta materia. Así, en catro xornadas entre decembro e xuño terá lugar o Seminario sobre lingua, política e sociedade.
