A través da rede social Facebook, a Mesa pola Normalización Lingüística convocou Goza coa túa lingua – Bicada polo galego!, unha orixinal protesta lúdica a prol da lingua galega.
O acto terá lugar a partir das 17.00 h na Praza do Toural de Santiago de Compostela, e nestes momentos (2/2/2011) está confirmada xa a participación de máis de 300 persoas.
O 14 de febreiro, goza coa túa lingua. Bicada polo galego en Compostela
A Mesa fai un chamamento a manifestar o amor polo galego o Día dos Namorados, e faino convocando unha bicada lúdico-reivindicativa na defensa do noso idioma o luns 14 de febreiro ás 17.00 h na Praza do Toural de Santiago de Compostela
