“Nós, como a maioría da poboación galega, vivimos co galego, no galego, polo galego e gústanos vivir así (ou coñecen a alguén que fale castelán e non diga “concello”, “lixo”, “e logo?”, “pota”…?). O galego, coma o mar de Vigo, abre as portas, pode acoller porque ten raíces, sabe de onde somos e cara onde imos. O galego non é un invento, non é unha materia de instituto, non é algo inútil nin moito menos unha imposición, é a nosa maneira de poder facer o mundo máis rico, é o noso pasado, presente e futuro. Nós non só nos interesamos por falar con quen fica lonxe (porque a sorte de falar galego ábrenos a porta a 200 millóns de persoas de fala portuguesa e nos axuda a aprender máis idiomas!) senón que nos interesamos primeiro por falar con quen temos preto. Como as castañas, é hora de saír do ourizo e deixar atrás os complexos. Aquí estamos para conversar, porque o mellor que se pode facer pola lingua é falala!”
Desde as 10.30 h – Conversas no Mercado do Calvario: conta as túas ideas, deixa as túas mensaxes.
Desde as 17.00 h
Animación para crianzas
Xogos infantís
Unha tarde na peixería
Animación para a mocidade
Safari fotográfico
No serán, desde as 19.30 h, actividades nos bares do Calvario
Toda a información no blog de Convers-Ando
O 12 de decembro, da mañá á noite Convers-Ando en Vigo
CambiaGalicia organiza "Da mañá á noite Convers-Ando", unha iniciativa para tentar facer reflexionar á poboación sobre o galego, partindo de actividades lúdicas que terán lugar no barrio do Calvario en Vigo este sábado 12 de decembro.
