Trátase dunha obra na que o autor, Xosé A. Pena, tomando como base o seu anterior traballo fraseolóxico Diccionario Cumio de expresións e frases feitas castelán-galego, do ano 2001, ofrécenos un novo produto que sae á luz, desta volta en formato de libro electrónico, coa intención de lle engadir un valor adicional ao vello dicionario tanto nun sentido cualitativo coma cuantitativo, isto é, tanto no que atinxe á súa calidade intrínseca coma no que se refire á cantidade de entradas ou encabezamentos.
Nun sentido cualitativo porque púe defectos, chapoda información pouco útil e en moitos casos ofrécelle ao consultor a posibilidade de coñecer cal é a fonte da que se tira cada expresión en cuestión; nun sentido cualitativo porque practicamente se duplica o número de entradas e se triplica o número de frases e expresións.
En Meubook pódese obter máis información, obter unha previsualización e adquirir a obra.
Novo dicionario fraseolóxico, coa equivalencia en galego de 8.500 expresións castelás
Acaba de ver a luz, na editorial virtual Meubook, o Dicionario fraseolóxico bilingüe castelán-galego, unha obra cun corpo de máis de 8.500 expresións, frases feitas e xeitos de dicir en lingua castelá e de ao pé de 25.000 en lingua galega
