Nova edición das Xornadas Malas Linguas da Deputación da Coruña
A Deputación Provincial da Coruña organiza unha nova edición das xornadas Malas Linguas: activando falantes do século XXI, que terán lugar en liña o 10 e o 12 de novembro. A inscrición é gratuíta e está aberta aquí.
O ciclo de xornadas Malas Linguas: activando falantes do século XXI continúa este ano con dúas citas en liña, de dúas horas de duración (das 17.00 ás 19.00 h) e de aceso libre para calquera persoa interesada. As xornadas Malas Linguas están organizadas pola Sección de Normalización Lingüística da Deputación Provincial de Coruña.
A actividade formativa e de reflexión complétase cunha sesión de traballo interna dirixida exclusivamente á rede de técnicos/as de normalización lingüística dos concellos da provincia, que terá lugar o 17 de novembro entre as 10.00 e as 11.30 h.
PROGRAMA DAS XORNADAS ABERTAS
Día 10 de novembro: Boas prácticas para as linguas minorizadas do estado
– 17.00 h: benvida de María Muíño, delegada de Normalización Lingüística da Deputación da Coruña
– 15.15-18.30 h: mesa redonda con:
> Paula Kasares, Universidade Pública de Navarra
> Isaac Lourido, Universidade da Coruña
> Xian Naia, investigador
– 19.00 h: remate
Día 12 de novembro: Revitalización lingüística en linguas ameazadas
– 17.00 h: benvida
– 15.15-18.30 h: mesa redonda con:
> Mònica Barrieras, Universidade de Barcelona e membro do Grup d´Estudi de Llengües Amenaçades (GELA)
> Itziar Idiazabal, Universidade do País Vasco
– 19.00 h: remate
INSCRICIÓN
As sesións abertas poderanse seguir libremente a través de YouTube ou participar por medio de Zoom, para o que é necesario inscribirse aquí. Para a sesión de traballo interna do día 17 tamén cómpre inscrición na mesma ligazón.
Máis información no web da Deputación da Coruña
