Segundo os e as autoras do “planeta”, os obxectivos principais son visibilizar o labor dos equipos a nivel social e apostar pola comunicación por medio da rede. Ademais, preténdese crear un lugar para compartir entre os equipos as experiencias propias e aprender das alleas e establecer dinámicas de cooperación para rendibilizar os recursos, especialmente os humanos. Todo o anterior realizase para activar canles de contacto estábeis sen agardar polas iniciativas institucionais.
Polo de agora, o recurso, que se pode consultar nesta ligazón, conta con 65 webs asociadas
Nace o Planeta de equipos de normalización e dinamización lingüística
O ENDL do CPI Aurelio M. Rei García de Cuntis vén de lanzar o Planeta de Equipos de Normalización e Dinamización Lingüística, unha páxina que recolle as novidades relacionadas cos ENDL e a lingua, entre as que se inclúen as novas do web da CTNL.
