Mesa redonda sobre a “Idade dixital do galego”
A Secretaría Xeral de Política Lingüística organiza o martes 28 de outubro a mesa redonda “A idade dixital do galego”. Esta charla terá lugar no marco da chegada a Vigo da exposición intinerante “As nosas palabras, os nosos mundos”, que abrirá as súas portas o día 24.
No acto, que terá lugar ás 19:30 h na Estación Marítima de Vigo, intervirán Luis Collado, director para Google España de Google Procura de Libros e Google Académico, Montserrat Pardo, xerente de relacións institucionais de Microsoft Ibérica, Xosé María Pousada, director da ETSE de Telecomunicacións da Universidade de Vigo e Marisol López, secretaria xeral de Política Lingüística.
