Entre as numerosas actividades destaca a programación pensada e realizada en colaboración cos institutos da cidade “Ben veñas, maio” en que a mocidade da cidade participará en diversas disciplinas como música ou teatro, en que traballan ao longo do curso. A actividade remata o día 16 de maio, cun acto no que se entregan os premios das diferentes disciplinas.
Tamén destacan as actividades programadas para celebrar o Día das Letras Galegas co fin de darlle a coñecer a figura de Ramón Piñeiro á cidadanía.
O programa inclúe roteiros culturais, cinema a cargo do Cineclube ou a presentación dun libro coa toponimia do río dos Gafos en que colaboraron veciños e veciñas de Tomeza, do Gorgullón, de Vilaboa… e de todos aqueles lugares que regan as augas do Gafos.
Podes consultar o programa completo de actividades nesta ligazón.
Maio: mes da lingua en Pontevedra
O Servizo de Normalización Lingüística do Concello de Pontevedra presentou o programa que, baixo a denominación de "Maio, mes da lingua", se vai desenvolver durante o presente mes na cidade do Lerez, e que inclúe numerosas actividades organizadas por diferentes entidades do municipio. O programa está organizado polo Concello de Pontevedra e pola Rede de Entidades Amigas da Lingua (REAL).
