Lingua de calidade do profesor e ex director do Servizo de Normalización Lingüística (SNL) da Universidade da Coruña, Xosé Ramón Freixeiro Mato, pretende dar algunhas receitas para determos o proceso de deturpación castelanizadora da nosa lingua e para (re)construírmos un galego de calidade liberado de interferencias espurias, un galego máis auténtico e por iso con futuro.
Aínda que boa parte desas receitas son de natureza lingüístico-gramatical (fonéticas, morfolóxicas, sintácticas, léxicas ou pragmáticas), tamén se inclúen algunhas reflexións que pretenden contribuír para o fortalecemento da nosa autoestima lingüística, tentando desfacer de paso algunhas ideas preconceptuosas sobre a súa historia e situación actual. Un galego de calidade utilizado oralmente e por escrito por persoas orgullosas e conscientes da importancia do seu idioma é a fórmula máis acaída para garantirmos o seu futuro.
17,1 x 24 cm
184 páxinas
ISBN: 978-84-9782-835-2
Xerais, xaneiro 2010
Prezo: 18 €
Lingua de calidade, novo libro de Xosé Ramón Freixeiro Mato sobre a calidade lingüística
A editorial Xerais acaba de publicar "Lingua de calidade", un libro do profesor da Universidade da Coruña Xosé Ramón Freixeiro Mato no que pretende dar algunhas receitas para determos o proceso de deturpación castelanizadora da nosa lingua e para (re)construírmos un galego de calidade
