II Xornadas de Normalización Lingüística no ensino

As II Xornadas de Normalización Lingüística. Debate e reflexión sobre a lingua no ensino teñen os seguintes obxectivos e contidos:

Obxectivos

1. Revisar distintas propostas de tratamento de linguas en situación de linguas en contacto

2. Reflexionar sobre a situación actual da lingua galega no ensino e do seu marco teórico

3. Facer propostas de mellora para impulsar o uso progresivo da lingua galega

Contidos

– A situación da lingua galega en diferentes contextos

– Distintas actuacións para o tratamento da lingua galega no ensino dentro do marco da lexislación actual

– Propostas para a progresiva normalización da lingua galega

– Experiencias de normalización lingüística nos centros educativos

Esta actividade formativa terá lugar por videconferencia o sábado 23 de xaneiro, en sesións de mañá e tarde:

Sesión de mañá

10:00-12:30 h: LOMLOE e as linguas de aprendizaxe, debate entre:

– Sandra Vázquez Domínguez (PP)

– Mercedes Queixas Zas (BNG)

– Noa Díaz Varela (PSdG-PSOE)

13:00: presentación das Bases para a normalización do ensino en Galiza



Sesión de tarde

16:00: Temos lingua, temos dereitos, Elsa Quintas Alborés, A Mesa pola Normalización Lingüística

17:00: Galeguiza-T e Colectivo Xa: plataformas para a normalización lingüística do estudantado, Alberte Pombo, docente

18:00: A radio como axente normalizador. Tecendo redes de colaboración, Manolo Maseda, docente

19:00: A Liña do Galego, unha ferramenta para garantir os nosos dereitos lingüísticos, Sara Seco Rial, técnica de A Liña do Galego

A inscrición é gratuíta e realízase nesta ligazón.

Máis información no web de CIG-Ensino.