A iniciativa, organizada por Nova Escola Galega (NEG) e polo Colectivo Tatalo, ten como principal obxectivo promover a creación de espazos que faciliten o uso do galego oral e fomentar a reflexión sociolingüística sobre a arte de contar historias. Para iso, haberá sesións lúdicas e sesións formativas (II Xornadas sobre a oralidade para formadores/as).
Toda a información en www.contocho.eu.
II Festa da narración oral de Galiza
Festa e formación arredor da oralidade daranse cita na II Festa da narración oral de Galiza que terá lugar en Arca, O Pino o 5 de xullo de 2008. Alí daranse cita contadores e contadoras como Paula Carballeira, Cándido Pazó, Quico Cadaval, Eva Varela, Carlos Santiago, Celso Sanmartín ou Róber Bodegas.
