I Certame de relatos curtos “Amigos para sempre”
O Consello da Xuventude de Galicia (CXG) convoca o I Certame de relatos curtos “Amigos para sempre”, co que se pretende contribuír á transmisión entre a mocidade de valores de respecto ao medio e aos animais.
Poderá participar calquera persoa con idade comprendida entre 12 e 17 anos e as narracións deberán estar redactadas en lingua galega (de conformidade coas Normas ortográficas e morfolóxicas do idioma galego aprobadas pola RAG o 12 de xullo de 2003)
Os traballos deberán remitirse antes do 20 de decembro á Área de Medio Ambiente do CXG, indicando no sobre a referencia: Certame Relatos, ao seguinte enderezo:
Consello da Xuventude de Galicia
Praza de Santo Antonio, 25, 1º
15702 Santiago de Compostela
Para calquera información pódese contactar con info@cxg.org, coa referencia: Certame Relatos, Área Medio Ambiente, ou ben por teléfono: 981 569 560 ou consultar as bases.
