O obxectivo do foro é ofrecerse como ámbito de análise sobre a situación presente e as perspectivas de futuro do idioma galego, no marco dunha reflexión de horizonte alongado sobre as condicións da sustentabilidade da diversidade lingüística no mundo contemporáneo e dun debate sobre as fórmulas de convivencia nas sociedades plurilingües.
Nel participarán expertos/as como Carme Junyent, Pilar García Negro, Ana Iglesias, Xaime Subiela, Alba Nogueira, Emili Boix, Ivo Castro, Elías Torres, etc.
Formulario de inscrición
Foro Sociedades plurilingües: da identidade á diversidade
O Consello da Cultura Galega (CCG), no marco da conmemoración dos seus vinte e cinco anos, organiza o foro de debate Sociedades plurilingües: da identidade á diversidade, que terá lugar os vindeiros días 19 e 20 de xuño.
