#17MQueremosGalego
O plenario da Plataforma cidadá Queremos Galego acordou, na reunión que tivo lugar o mércores 21 de marzo, convocar manifestación nacional a prol da lingua galega para o vindeiro 17 de maio, Día das Letras Galegas.
A manifestación sairá ás 12.00 h da Alameda compostelá e rematará na Praza da Quintana.
O lema da manifestación, así como o manifesto, que será redactado por un escritor de recoñecido prestixio, será dado a coñecer proximamente.
Este 17 de maio seguiremos dicindo que Queremos Galego
A plataforma en defensa da lingua Queremos Galego convoca manifestación a prol do galego o 17 de maio, Día das Letras Galegas, en Santiago de Compostela
