Como en anos anteriores, o certame está composto por dúas categorías:
- Fotografías: en formato .jpg, .png, .gif ou tif, deberán ser apaisadas (1 Mb máximo) e poderán ser reencadradas lixeiramente para adaptalas ao tamaño de publicación. Procúrase a orixinalidade. Cada foto virá acompañada dun título e dun texto explicativo (como moito 250 caracteres) que axuden a contextualizar a imaxe.
- Vídeos: os traballos deberán ter unha duración curta (recomendamos entre un e dous minutos) e en ningún caso debe de sobrepasar os catro minutos. O autor ou autores poderán optar por enviar obras onde estea ou non presente a palabra. O formato será .flv a un tamaño de 320×240. A liberdade de creación é total e procúrase tamén a orixinalidade.
Nas dúas categorías as obras deben responder ás seguintes preguntas: Que significa a lingua para ti? Como animar a usala? Como construírmos unha lingua con futuro?
Podes consultar as bases e os traballos presentados nesta ligazón.
