Así, baixo o cancelo #veránlingua daremos conta de publicacións, campañas, vídeos, ferramentas, xogos… Propómosvos mergullarvos en diferentes materiais e formatos, con destinatarios/as diversos e perspectivas variadas. Este mes de agosto pode haber tempo para coñeceres mellor esa serie de vídeos que quedou pendente no seu momento ou, mellor aínda, atopar inspiración para campañas e proxectos futuros.
No mes de agosto, a lingua non para e a CTNL tampouco. Vémonos nas redes!!! #veránlingua
En agosto volve #veránlingua, o cancelo estival para revisarmos recursos
Por segundo ano consecutivo, desde a CTNL durante este mes de agosto, ademais das novas de interese para o colectivo que se produciren, compilaremos día a día na nosa conta de Twitter, recomendacións de lecturas, audiovisuais, webs de proxectos… Porque entendemos que o verán é tempo de facer as cousas con máis vagar e temos a oportunidade de deternos nalgúns recursos que talvez xa anunciamos durante o ano, pero agora podemos revisar cando os días son máis longos e solleiros. Tamén poder dirixir a ollada cara a outros dominios lingüísticos e ver e saber máis sobre o que se está a facer neles.
