Curso de aproveitamento de ferramentas multimedia para o traballo en normalización lingüística - CTNL Coordinadora de Traballadores/as de Normalización da Lingua

PRESENTACIÓN

Desde os servizos de normalización lingüística das administracións, desde as asociacións e colectivos que traballan a prol da lingua, desde as empresas relacionadas co incremento do uso e prestixio do noso idioma e desde os equipos de normalización e dinamización lingüística dos centros de ensino debe saberse aproveitar todo o potencial que ofrecen determinadas ferramentas multimedia, e sobre todo combinadas coa rede, para as accións de normalización lingüística.

Deste xeito, cómpre analizar as posibilidades e vantaxes que poden ofrecer determinadas ferramentas multimedia; coñecer as vantaxes da rede para a publicación de materiais, para o traballo colaborativo, para a optimización de recursos, para a difusión de accións, etc.; e potenciar o uso das novas tecnoloxías, da web 2.0, a difusión de accións de normalización lingüística a través da rede e o traballo colaborativo en internet. En definitiva, cómpre que as persoas que traballan a prol da lingua manexen algunhas ferramentas multimedia que poden ser aproveitadas para o traballo en normalización lingüística.

Por iso, este Curso de aproveitamento de ferramentas multimedia para o traballo en normalización lingüística, que pretende conxugar técnica no manexo destas ferramentas con posibilidades de utilización para as accións de incremento do uso e prestixio da lingua galega.

OBXECTIVOS XERAIS

Analizar as posibilidades e vantaxes que poden ofrecer determinadas ferramentas multimedia para o traballo en normalización lingüística
Coñecer as vantaxes da rede para a publicación de materiais, para o traballo colaborativo, para a optimización de recursos, para a difusión de accións, etc.
Potenciar o uso das novas tecnoloxías, da web 2.0, a difusión de accións a través da rede e o traballo colaborativo en internet
Que as persoas participantes aprendan a manexar algunhas ferramentas multimedia básicas que poden ser aproveitadas para o traballo en normalización lingüística: blogs; podcast; publicación de textos, fotos, animacións, vídeos e son na rede; manexo de redes sociais, etc.

DATAS E HORARIOS

Sábado 18 de outubro, de 10.30 h a 14.30 h e de 16.30 h a 20.30 h
Venres 24 de outubro, de 17.30 h a 21.30 h
Sábado 25 de outubro, de 10.30 h a 14.30 h e de 16.30 h a 20.30 h

DURACIÓN

20 horas presenciais e 4 non presenciais
(4 horas non presenciais para a realización de tarefas fóra do horario de curso)

LUGAR

Facultade de Filoloxía da USC. Avda. de Castelao s/n. Campus Norte. Santiago de Compostela

PERSOAS DESTINATARIAS

Traballadoras de servizos de normalización lingüística
Traballadoras de empresas, asociacións e outras entidades que traballan pola normalización da lingua
Responsábeis de ENDL de centros de ensino
Persoas interesadas en traballar en normalización da lingua

LÍMITE DE PRAZAS

Máximo de 25 persoas

REQUISITOS

Manexo de ferramentas informáticas básicas
Manexo da rede

CONTIDOS

Blogs
-Panorámica xeral: Blogoteca; Blogaliza, etc.

-Manexo de WordPress
Redes sociais
-Para o traballo colaborativo en normalización lingüística

-Para a difusión de información de lingua
Edición, publicación e integración en webs, blogs e redes sociais de imaxe, son e vídeo na rede:
-Imaxe: fotos (tratamento e edición; aloxamento e presentación; animación; fotolog e xeolocalización; foto e texto; inserción) e presentacións (computador, computador + rede, rede, diagramas, frisos cronolóxicos, cadros interactivos, mapas, inserción)

-Son: gravación e edición de audio; aloxamento e/ou creación; música e sons libres; conversión texto-voz; programas de subscrición; podcast

-Vídeo: edición en liña; publicación; subtitulado; creación

-+Multimedia: aloxamento e creación
Outras ferramentas: Wiki, Google Grupos,sindicación de contidos e marcadores sociais

DOCENTE

Luciano Fernández Martínez (http://agorarede.ning.com/profile/Xano). Profesor de lingua e literatura, xestor de redes socias (http://agorarede.ning.com/ ou http://linguaeliteratura.ning.com/) e de blogs (Remexer na Lingua, Ensino lgl, Dis ti!, Biriais, etc.)

INSCRICIÓN

Até o 9 de outubro, mediante o formulario que está ao final desta páxina.

Dado que o número de prazas está limitado a 25, terán preferencia os/as socios/as da CTNL coas cotas ao día no momento da convocatoria do curso. Despois disto, respectarase a orde de inscrición, dándolles preferencia aos/ás socios/as da CTNL.

Non se debe pagar a cota de inscrición até que non se publique a listaxe de persoas admitidas, que se publicará o día 10 de outubro no mesmo sitio web.

As persoas incluídas nesa listaxe deben ingresar o importe da matrícula até o día 16 de outubro na conta da CTNL número: 2091-0377-74-3040004060, indicando o nome completo e o concepto “Curso multimedia.”