Convocatoria dunha praza de TNL no Concello de Nigrán

O Concello de Nigrán abre un proceso selectivo para contratar un/unha técnico/a de normalización lingüística durante 12 meses e cun horario semanal de 16,5 horas, de luns a venres.

FUNCIÓNS DA PRAZA:

– Asesorar a Administración no relacionado coa política lingüística.

– Facer seguimento do cumprimento da lexislación en materia lingüística e velar polos dereitos lingüísticos da cidadanía.

– Mellorar a calidade lingüística e comunicativa da institución.

– Normalizar a imaxe lingüística e fixar criterios lingüísticos.

– Resolver dúbidas lingüísticas.

– Planificar, xestionar, executar e avaliar accións a prol da lingua galega.

– Propoñer programas de dinamización e actividades concretas de concienciación lingüística.

– Difundir materiais que contribúan á tarefa normalizadora.



REQUISITOS DE TITULACIÓN:

– licenciatura en Filoloxía Galega, Galego-Portuguesa ou Hispánica (subsección galego-portugués);

– grao en Estudos de Galego e Español ou en Lingua e Literatura Galega.

PROCESO SELECTIVO: concurso-oposición, coas seguintes probas:

– Proba práctica co fin de valorar o dominio do idioma: unha tradución e a redacción dun documento administrativo.

– Proba oral sobre aspectos profesionais e técnicos.

– Puntuación do currículo: concurso de méritos.

PRAZO PARA PRESENTAR SOLICITUDES: sete días hábiles desde a publicación do anuncio no Faro de Vigo. Este anuncio publicarase o domingo día 24 de xullo. Para os efectos de cómputo de prazos, cómpre ter en conta que o día 1 de agosto de 2016 é inhábil en Nigrán.

Bases completas e máis información no web do Concello de Nigrán, nos departamentos de Desenvolvemento Local (986365000, ext. 7; tle.nigran@nigran.org), Información e Rexistro Municipal.

As bases e o modelo de solicitude tamén están dispoñibles, en formato .zip, como anexo a esta nova.