Segundo as bases da convocatoria, as persoas destinatarias son estudantes universitarias do último curso de Filoloxía Galega ou aqueles/as aos/ás que lles queden un número de materias inferior a un curso para a finalizaren.
A documentación para presentar é a solicitude debidamente cuberta; os datos académicos, en que se detallen os estudos cursados ou en curso, así como calquera precisión que se estimar necesaria xunto cunha fotocopia do expediente ou informe académico; unha fotocopia do DNI; un currículo; e unha
memoria en que se expoñan os motivos e expectativas que levan a formular a solicitude, os coñecementos, capacidades técnicas e experiencia que alega, e tarefas ou calquera outro aspecto que desexaría realizar durante as prácticas, incluíndo a posíbel proposta de novos programas ou proxectos.
A duración do programa de prácticas será de 284 horas distribuídas en 20 horas semanais e recibiranse 2.560 euros brutos por elas.
O prazo de presentación de solicitudes é de dez días naturais a partir da publicación do anuncio nos xornais La Voz de Galicia e La Opinión de A Coruña (29 de setembro de 2008)
Convocatoria de dúas bolsas para prácticas no SNL do Concello da Coruña
A Concellaría de Mocidade, Solidariedade e Normalización Lingüística do Concello da Coruña convoca dúas bolsas destinadas a estudantes universitarios para realizaren prácticas en tarefas que corresponden no desenvolvemento de funcións do Servizo de Normalización Lingüística.
